أنت تتصفح أرشيف موقع بنت جبيل

آخر فصول الجوع في لبنان.. هجم عليه بالسكين في شارع الحمرا بهدف اخذ المال: "ولادي بالبيت بدن ياكلو.. ثم اعتذر و قال "اول مرة بعمل هيك" وانهار بالبكاء وغادر!

مع اشتداد الانهيار الاقتصادي في لبنان بتنا كل يوم نسمع قصة مؤسفة. 

آخر فصول الجوع كانت حادثة وقعت مساء الامس مع الشاب زكريا العمرالذي اورد على صفحته على فيسبوك قصة مؤسفة ومحزنة قال فيها:

حدث معي قبل قليل. ماشي بشارع سبيرز بالصناييع شبه معتم وفاضي الا من السيارات.
بنتبه على موتوسيكل عم يهدي جنبي فجأة الشخص اللي عم يسوق بينزل وبيهجم عليي بالسكين وبقلي ماتصرخ ولا تحكي اي كلمة انا مو جاي اسرقك... انا جوعان وولادي بالبيت بدون ياكلو وانا مامعي مصاري طعميهون بدي ياك تعطيني مصاري او نروح نشتري غراض من الدكانة بس ما تحسس حدا بشي لأنو مو ناوي ضرك انا بدي آخد غرضي وامشي.
انا الصراحة لأول وهلة جمدت ووقف راسي عن التفكير تماما.
قلتلو لحظة طالعلك مصاري من الجزدان.... شلت وعطيتو يلي فيه النصيب.
اخد مني المصاري ومشي ناح الموتوسيكل وفجأة رجع لعندي وما شفتو الا بلش يبكي ويعتذر مني.
قلي والله العظيم اول مرة بعمل هيك انا شغيل وبعجبك بس والله الجوع مابيرحم وولادي عم يبكو بالبيت بدهون لقمة خبز.
قعد يعتذرلي ويبكي وانا حاولت واسيه قد مافيني بعدين ركب الموتوسيكل ومشي.

وختم: بس هيك

Script executed in 0.028908014297485